«Դեկտեմբերիկ» ստուգատես․Ծիսական խոհանոց-լաբորատորիա՝ «Ասիլ-Վասիլ»-ի պատրաստում

Օրը՝ 17․12․2020թ․

Ժամը՝ 11։00-12։00

Վայրը՝ Արևելյան դպրոցի հինգ տարեկանների խմբասենյակ

Մասնակիցները՝ Արևելյան դպրոցի հինգ տարեկաններ

Պատասխանատուներ՝  Լիլյա Զախարյան, Ալինա Մարզումանյան

Խորհրդատու խոհարար՝  Մարիետ Թադևոսյան

Հնում Ամանորին թխում էին Տարեհաց` ալյուրից, ընկույզից, չամիչից։ Տարեհացի մեջ դնում էին հացահատիկ կամ մետաղադրամ: Ամանորից հետո կտրում էին տան անդամների քանակին համապատասխան։ Մարզերի մեծ մասում այլ թխվածք էին պատրաստում, որն ուներ մարդու տեսք, կոչվում էր «Ասիլ Բասիլ» կամ «Վասիլ»: Ձեռքերի, աչքերի ու բերանի հատվածում դնում էին չամիչ: Եվ եթե հացը թխելու ժամանակ չամիչն ուռում էր, լավ նշան էր։ Այն խորհրդանշում էր հաջող տարի, իսկ եթե չէր ուսում` ապա ոչ մի լավ բանի պետք չէր սպասել։ Ծիսական այս տիկնիկները թխվում էին միայն Ամանորի նախօրյակին`գալիք տարվան ուղղված գուշակություններ անելու նպատակով: Նաև թխում էին այլ հացեր՝ գուշակություններ անելու նպատակով, որոնցով ոչ միայն գուշակություններ էին անում, այլ նվիրում էին տոներին որպես նվեր:

Նպատակ՝

  • խոհանոցում աշխատելու կարողություններ
  • ձեռք բերել խոհարարական հմտություններ
  • ուսումնասիրել ազգային խոհանոցը
  • ծիսական ուտեստների ճանաչում

Անհրաժեշտ Է

  • ջուր
  • ձեթ
  • շաքարավազ
  • ալյուր
  • սոդա
  • գունաներկ

Նկարագրություն՝  Դասարանը վերածում ենք խոհանոց-լաբորատորիայի։Սովորողները հագնում են իրենց աշխատանքային գոգնոցները,սեղանին դնում անհրաժեշտ մթերքները: Դասվարի, խոհարարի կամ ծնողի հարցերի օգնությամբ սովորողը պատմում է, թե որ բաղադրիչից հետո որը պետք է ավելացնի:Սովորողների մի խումբը խմոր է անում։ Յուրաքանչյուր բաղադրիչն ավելացնելիս սովորողը բացատրում է, թե ի՞նչ համ կտա:Հաջորդ խմբի սովորողները խմորը կտրատում են, գունդ դարձնում, գրտնակում՝ փորձելով բացել այն, մյուսները՝ձևավորում խմորը:Ձևավորման ընթացքն ուղեկցվում է բարեմաղթանքներով:Ցանկության դեպքում կարող են մարդահացիկներին անուն դնել:Վերջում դնում ենք ջեռոցը և հետևում, թե որքա՞ն ժամանակում այն պատրաստ կլինի:Մի խումբ սովորողներ էլ այդ ընթացքում փորձում են ֆոտոխցիկով նկարել թխման գործընթացը:

Արդյունքը հրապարակվում է դասարանական բլոգում։

«Դեկտեմբերիկ». լողի ստուգատես

Օրը՝ 04.12.2020

Ժամը՝ 10։45֊11։30

Անցկացման վայրը՝ Արևմտյան դպրոցի ծածկած լողավազան

Մասնակիցները՝ Արևելյան դպրոցի 5 տարեկաններ

Լողի մարզիչ՝ Անուշ Համբարյան

Ծրագրում՝

Նախավարժանք

  • Ոտքերով մկրատաձև մարզանք
  • Ոտնաթաթերի ձգում դեպի վեր

Վարժություններ 

  • Շնչառության պահում 3-7 վայրկյան
  • Լողում են լողավազանի մի ծայրից մյուսը։

Նկարագրությունը՝

Հանդերձարաններում հագնում ենք լողազգեստը, ռեզինե գլխարկն ու լողաթափերը, ցնցուղ ընդունում: Լողի մարզչի ցուցումով նախավարժանք  և ստուգատեսին նախատեսված վարժություններն ենք անում: Ավարտելուց հետո ընդունում ենք տաք ցնցուղ, հագնվում ենք: Հետևում ենք, որ բոլոր իրերը պայուսակների մեջ լինեն:

Շախմատի պարապմունք

Արևելյան դպրոցի 5 տարեկանների մոտ այսօր շախմատի բաց պարապմունք էր։

Մեզ էր միացել ընկեր Առնոլդը։ Շատ հետաքրքիր և տպավորիչ դաս ունեցանք։

Բարի դիտում

Խաղաղության գինի, հանգանակության ցուցահանդես-վաճառք, հարիսայի համտես․ Ներկայացնում են Արևելքի 5 տարեկանները

Արևելյան դպրոցի 5 տարեկանները այսօր ելույթ ունեցան որպես 5 տարեկանների երգչախումբ, որից հետո մեր նոր դասասենյակում մեկնարկեց «Հոգատարություն» հանգանակության ցուցահանդես -վաճառքը։ 5 տարեկանները աճուրդի են հանել իրենց ձեռքերով պատրաստած կավե կրծքազարդերը, համով թթուն, ծեփամածիկը և խաղաղության գինին։ Իսկ վերջում համով հարիսա։ Բարի դիտում բոլորին․․․

Տեսանյութը՝ Սյուզաննա Սարգսյանի

«Նոյեմբերիկ» ստուգատես. Ծիսական խոհանոց, ամփոփում

Այսօր  «Իմացումի հրճվանք» ծրագրի կրտսերների «Նոյեմբերիկ» ստուգատեսն էր։ Արևելքի 5 տարեկանների խմբասենյակը վերածվել էր խոհանոց-բաց լաբորատորիայի։ Այս անգամ պատրաստում ենք մեր ավանդական-հայկական գաթան։ Այդ հարցում մեզ օգնեց մեր մայրիկ- Հասմիկը։ Դե ի՞նչ, բարի դիտում։

Ծառատունկ

Արևելքի հինգ տարեկանները դպրոցի բակում իրականացրեցին իսկական ծառատունկ։ Մեզ օգնում էր մեր այգեպանը` ընկեր Արմենը։

Գունեղ թվերը

Մեր իսկ ձեռքերով պատրաստած ծեփամածիկով, պատրաստեցինք և սովորեցինք թվերը։ Այն մեզ մոտ շատ լավ է ստացվում, մեկը պատրաստել էր` 1 2 3 7, մյուսը 10 7 3 և այդպես շարունակ։

«Նոյեմբերիկ» տեխնոլոգիական ստուգատես․ Կավե կախազարդեր, ամփոփում

Այսօր  «Իմացումի հրճվանք» ծրագրի կրտսերների«Նոյեմբերիկ» տեխնոլոգիական ստուգատեսն էր։ Արևելյան դպրոցի 5 տարեկանների հետ այսօր պատրաստել ենք կավե կախազարդեր։ Սովորողների հետ դասարանը վերածեցինք բաց-լաբորատորիայի, պատրաստեցինք աշխատանքային տախտակները,փափկացրեցինք կավը ու անցանք գործի։ Արդյունքը՝ մեր տեսանյութում