Այսօր կրկին հինգշաբթի էր և կրկին մեր ստուգատեսի օրն էր։ Այս անգամ խումբը վերածեցինք պլաստիլինե արվեստանոցի և ստեղծեցինք բանջարեղենային կերպարներ: Ինքներս խմբասենյակում պատրաստեցինք պլաստիլինը տարբեր գույներով, իսկ հետո սկսեցինք պատրաստել տարբեր տեսակի բանջարեղեններ։ Պլաստիլինը պատրաստելու ընթացքում հեռուստացույցով միացրեցինք ուսուցողական հոլովակ, որպեսզի ավելի գեղեցիկ պատրաստենք բանջարեղենները։ Սաների հետ որոշեցինք պատրաստել մի մեծ տարա և բոլոր բանջարեղենները տեղավորել այդ տարայի մեջ։Այդ ընթացքում էլ սկսվեց բանջարաբլբլոցը։ Բանջարեղեններին փորձեցինք անուններ որոշել, իսկ Հայկը պատկերացնում եք լոլիկին անվանեց Սմբատ՝ իրենց բակի Սմբատին նմանեցնելով լոլիկի։
Ալինա Մարզումանյան 