Լիսիցյանական շաբաթ. «Տիկնի պսակ»
Օր՝ նոյեմբերի 25
Ժամ՝ 11.00
Վայր՝ Արևելյան դպրոցի ներքին բակ
Համակարգողներ՝ Սաթեն Քարաջյան, Ալինա Մարզումանյան, Տաթև Մանվելյան
Սաներից երկուսը տիկնիկներով խաղում են, մեկի տիկնիկը տղա է, մյուսինն՝ աղջիկ: Նրանցից մեկը մյուսին հարցնում է.
-Քո տիկնիկի անունն ի՞նչ է:
-Սաթո, բա քոնի՞ անունն ինչ է:
-Հայկո:
-Կգա՞ս տիկնի պսակ խաղանք:
-Կգամ, արի խաղանք:
Միասին երգում են.
Պսակ-պսակ, տիկնի պսակ.
Էկեք խաղանք տիկնի պսակ,
Տիրնանինե, տիրնանինե,
Զուռնի ձենը գեղով մին է…
Մասնակիցները բաժանվում են երեք խմբի՝ նվագածուներ, հարսնացուի կողմի խնամիներ, տղայի կողմի խնամիներ:
Հարսի տիկնիկով երեխան.
- Կլորիկ ու թմբլիկ եմ,
Պստլիկ ու ճստլիկ եմ,
Քիթս պուճուր – պուճուրիկ է,
Աչուկներս սևուլիկ են,
Կա՞ ինձ նման սիրունիկը:
Բոլորը միասին՝
- Չկա՜, չկա՜, չկա՜:
Հարսի մայրը.
- Աղջիկ ունիմ օղերով,
Հարս պիտ անիմ քողերով,
Աղջիկ ունիմ հարսնացու,
Կտրիճ կուզիմ փեսացու:
Ո՞րին տամ, ո՞րին չտամ:
Փեսայի կողմի խնամիները. Մեր տղային տուր:
Հարսի մայրը. Տա՞մ, թե՞ չտամ:
Փեսայի կողմի խնամիները. Տու՛ր, տու՛ր, լավ տղա է:
Կողքից մեկն ասում է. Սպասե՛ք, բա չիմանա՞նք՝ հարսն ում է ուզում:
Հարսի մայրը. Լավ, ում որ կուզի, նրան կտամ:
Հարսիկի տիկնիկը ձեռքին աղջիկը գնում կանգնում է փեսայի տիկնիկը բռնած տղայի կողքին:
Բոլորը միասին. — Հարսը փեսին հալալ է:
Միասին երգում են «Պսակ, պսակ», «Այ ֆոռկա» երգերը
տուր:
Հարսի մայրը. Տա՞մ, թե՞ չտամ:
Փեսայի կողմի խնամիները. Տու՛ր, տու՛ր, լավ տղա է:
Կողքից մեկն ասում է. Սպասե՛ք, բա չիմանա՞նք՝ հարսն ում է ուզում:
Հարսի մայրը. Լավ, ում որ կուզի, նրան կտամ:
Հարսիկի տիկնիկը ձեռքին աղջիկը գնում կանգնում է փեսայի տիկնիկը բռնած տղայի կողքին:
Բոլորը միասին. — Հարսը փեսին հալալ է:
Միասին երգում են «Պսակ, պսակ», «Այ ֆոռկա» երգերը
Պսակ, պսակ
Պսակ-պսակ, տիկնի պսակ.
Փեսեն էկավ՝ լիքը քսակ –
Տիրնանինե, տիրնանինե,
Զուռնի ձենը գեղով մին է…
Բոյը՝ չինար, մեջքին՝ քամար,
Աչքերը՝ ծով, ունքը՝ կամար –
Տիրնանինե, տիրնանինե,
Զուռնի ձենը գեղով մին է…
Այ ֆոռկա
Այ ֆոռկա, ֆոռկա, ֆոռկա,
Էսօր մեր տուն հարսնիս կա,
Էսօր մեր տուն հարսնիս կա,
Կոլոտ փեսին բեղ չկա:
Այ ֆոռկա, ֆոռկա, ֆոռկա,
Էսօր մեր տուն հարսնիս կա,
Թավեն ծակ է, եղ չկա,
Փեսեն էկավ՝ տեղ չկա:
Այ ֆոռկա, ֆոռկա, ֆոռկա,
Էսօր մեր տուն հարսնիս կա:
Գալիս է տերտերը
Պսակ, պսակ, տիկնի պսակ, արջի քոլոլ, դեղին դմակ,
Կուժն ու կուլեն գլխիդ կոտրեմ, տեր ես, թե՝ չէ:
Փեսան
– Տե՛ր եմ:
Բոլորը միասին բացականչում են.
– Տե՛ր է՜:
Տերտերը
Պսակ, պսակ, տիկնի պսակ, արջի քոլոլ, դեղին դմակ,
Կուժն ու կուլեն գլխիդ կոտրեմ, հնազանդ ես, թե՝ չէ:
Հարսը
– Հնազանդ եմ:
Բոլորը միասին բացականչում են.
– Հնազանդ է՜:
Միասին երգում են «Ծառ ծաղկեցավ» երգը:
Սուրբ Կարապետա օրհնութենով, օրհնութենով
Ծառս ի ծաղկեցավ, ծառս ի ծաղկեցավ,
Ծառ ծաղկեցավ, ճյուղ բազմեցավ՝
Կանաչ ու կարմիր:
Բարեմաղթանք՝
Կարասն ձեր լցվի գինով,
Եվ տունը ձեր՝ շեն բարիքով:
Պարերգ — Թամզարա
Թամզարա, հայ, թամզարա,
Թամզարա, հայ, թամզարա,
Թամզարա, հայ, թամզարա,
Համ լե, լե, համ զար ա:
Տանձի ծառը բարձր է,
Թամզարա, հայ, թամզարա,
Վըրի տանձը քաղցր է,
Թամզարա, հայ, թամզարա:
Գնանք նանին հարցընենք,
Թամզարա, հայ, թամզարա,
Թե որ չտա, փախցնենք,
Թամզարա, հայ, թամզարա:
Թամզարա, հայ, թամզարա….
Արևը սարի վըրա,
Թամզարա, հայ, թամզարա,
Մամուռը քարի վըրա,
Թամզարա, հայ, թամզարա:
Էրկու կըռունկ եմ տեսել,
Թամզարա, հայ, թամզարա,
Արագած սարի վըրա,
Թամզարա, հայ, թամզարա:
Թամզարա, հայ, թամզարա…
Բարեմաղթանքներ՝
Տաշտներդ լի հաց լինի,
Դըռներըդ միշտ բաց լինի:
Պարերգ – Հաց կթխեմ գարի ա
- Հաց կթխեմ, գարի ա,
Երի, երի, էրվա, օ՜յ, օ՜յ,
Էս ինչ ուրախ տարի ա,
Շեկո ջան, էրվա, օ՜յ, օ՜յ: - Ծով ա դառե մեր դաշտը,
Երի, երի, էրվա, օ՜յ, օ՜յ,
Լիքը հաց ա մեր տաշտը,
Շեկո ջան, էրվա, օ՜յ, օ՜յ: - Հաց եմ թխել մշակին,
Երի, երի, էրվա, օ՜յ, օ՜յ,
Հոտ քաշել մանիշակին,
Շեկո ջան, էրվա, օ՜յ, օ՜յ: - Հաց կթխեմ, գարի ա,
Երի, երի, էրվա, օ՜յ, օ՜յ,
Կաքավները մավի ա,
Շեկո ջան, էրվա, օ՜յ, օ՜յ:
Բարեմաղթանք՝
Ծլեք, ծաղկեք, զորանաք:
Պարերգ — Փափուռի
Նանայ, նանայ, փափուռի,
Նանայ, նանայ, փափուռի,
Փափուռի ջան, փափուռի,
Փափուռի ջան, փափուռի:
Ջուր է գալիս էն սարից,
Նանայ, նանայ, փափուռի,
Կաթում է մարմար քարից,
Նանայ, նանայ, փափուռի:
Արև ելավ էն սարից,
Նանայ, նանայ, փափուռի,
Կաքավ կանչեց էն քարից,
Նանայ, նանայ, փափուռի:
Խնձոր ես ծառի վրա,
Նանայ, նանայ, փափուռի,
Ծաղիկ ես սարի վրա,
Նանայ, նանայ, փափուռի:
Բարեմաղթանք՝
Ծաղկեք, ծլեք, ծիր-ծիրանի դառնաք:
Պարերգ՝ «Հոպ, թռի»
Հո՛պ, թռի, հո՛պ, հո՛պ, թռի,
Հայկո ջան,
Շուտ թռի, շախով թռի,
Վարսո ջան:
Խնձոր ես ծառի վրա,
Հայկո ջան,
Ծաղիկ ես սարի վրա,
Վարսո ջան.
Հո՛պ, թռի, հո՛պ, հո՛պ, թռի,
Հայկո ջան,
Շուտ թռի, շախով թռի,
Վարսո ջան:
Անուշ տաղ ասող բլբուլ,
Հայկո ջան,
Կանգնել ես քարի վրա,
Վարսո ջան.
Հո՛պ, թռի, հո՛պ, հո՛պ, թռի,
Հայկո ջան,
Շուտ թռի, շախով թռի,
Վարսո ջան:
Ախպեր ունեմ՝ ավչի ա,
Հայկո ջան,
Մեջքը բարակ ղամշի ա,
Վարսո ջան,
Հո՛պ, թռի, հո՛պ, հո՛պ, թռի,
Հայկո ջան,
Շուտ թռի, շախով թռի,
Վարսո ջան:
Ալինա Մարզումանյան 