Օրը՝ 23.12․2020թ․
Ժամը՝ 11։00-12։00
Վայրը՝ Արևելյան դպրոցի հինգ տարեկանների խմբասենյակ
Մասնակիցները՝ Արևելյան դպրոցի հինգ տարեկաններ
Պատասխանատուներ՝ Սաթեն Քարաջյան,Ալինա Մարզումանյան
Հնում Ամանորին թխում էին Տարեհաց` ալյուրից, ընկույզից, չամիչից։ Տարեհացի մեջ դնում էին հացահատիկ կամ մետաղադրամ: Ամանորից հետո կտրում էին տան անդամների քանակին համապատասխան։ Մարզերի մեծ մասում այլ թխվածք էին պատրաստում, որն ուներ մարդու տեսք, կոչվում էր «Ասիլ Բասիլ» կամ «Վասիլ»: Ձեռքերի, աչքերի ու բերանի հատվածում դնում էին չամիչ: Եվ եթե հացը թխելու ժամանակ չամիչն ուռում էր, լավ նշան էր։ Այն խորհրդանշում էր հաջող տարի, իսկ եթե չէր ուսում` ապա ոչ մի լավ բանի պետք չէր սպասել։ Ծիսական այս տիկնիկները թխվում էին միայն Ամանորի նախօրյակին`գալիք տարվան ուղղված գուշակություններ անելու նպատակով: Նաև թխում էին այլ հացեր՝ գուշակություններ անելու նպատակով, որոնցով ոչ միայն գուշակություններ էին անում, այլ նվիրում էին տոներին որպես նվեր:
Նպատակ՝ սովորողները կպատրաստեն ծիսական ասիլ-վասիլներ, կուտեն: Կշարունակեն յուրացնել խոհանոցային-աշխատանքային հմտություններ
Խնդիրներ`
- կճանաչեն ծիսական քաղցրեղենը
- կզարգացնեն ինքնասպասարկման կարողությունները, հմտությունները
- կզարգացնեն խմբով աշխատելու կարողությունները
- կյուրացնեն աշխատանքային հմտություններ
- իմանալ, թվարկել թխուկը պատրաստելու բաղադրիչները
- իմանալ թխուկը պատրաստելու գործողությունների հաջորդականությունը
- իմանալ մթերքի անվանումները
- պատրաստել, ապա հավաքել աշխատանքային իրերը
- պատմել կատարած աշխատանքի մասին
Անհրաժեշտ Է
- ջուր
- ձեթ
- շաքարավազ
- ալյուր
- սոդա
- գունաներկ
Ընթացքը՝ Դասարանը կվերածենք խոհանոց-լաբորատորիայի։Նախ սաներին կպատմենք 《Ասիլ Վասիլ》-ի խորհրդի մասին,հետո կսկսենք աշխատանքը։Սաները կհագնեն աշխատանքային գոգնոցները և կսկսի իրական խմորհունցոցին։Կծանոթանանք խմորի բաղադրիչներին,հետո թվարկելով կավելացնենք։Կփորձենք համաչափ գրդնակել և ստանալ գեղեցիկ մարդուկներ։Վերջում կտեղափոխենք ջեռոց և կսպասենք մինչև թխվի։Մեզ այդ հարցում կօգնի Սեդա Վիրաբյանի առաջին դասարանցի Դավիթի մայրիկ՝ Հեղինեն։
Ալինա Մարզումանյան 