Месяц: Апрель 2022

Խնդիրը հետևյալն էր. Պետք է փորձեինք ցատկել պարան՝ միաժամանակ ընթերցելով աղայանական և թումանյանական ստեղծագործություններ։Խաղին միացան նաև դաստիարակները։

Մեզ մոտ այսօր բացօթյա նկարչական պլեներ էր։ Արևելյան դպրոցի 5-6 տարեկանները այս անգամ, որոշել էին նկարել գարունը իր ողջ հմայքով։

Օրը՝ 07.04.2022
Սկիզբը՝ 11:00
Մասնակիցները՝ Արևելյան դպրոցի 5-6 տարեկաններ
Վայրը՝ Արևելյան դպրոցի ներքին բակ, արևելյան լանջեր
Պատասխանատուներ` Սաթեն Քարաջյան,Ալինա Մարզումանյան
Նպատակը՝ Գարնանային ֆոտոպլեների իրականացում, սովորողների լուսանկարելու կարողությունների և հմտությունների դիտարկում

Խնդիրները՝

• Լուսանկարելու կարողությունների և հմտությունների ներկայացում

Ընթացքը
Մինչ ստուգատեսը սկսելը կխոսենք տարվա եղանակների, գարնան մասին, այնուհետև սովորողները կվերցնեն իրենց ուսումնական գործիքները, և կգնանք բակ: Սովորողները կշրջեն բակում, այգում, կլուսանկարեն այն ամենն, ինչը կապված է գարնան հետ: Երեկոյան ծնողները դասվարի էլ. հասցեին կուղարկեն սովորողների կատարած լուսանկարները:
Պլեների ընթացքում արված լուսանկարները կամփոփվեն դասարանական բլոգում:

Անհրաժեշտ պարագաները՝ ուսումնական պլանշետ, հեռախոս՝լուսանկարելու հնարավորությամբ, թվային ֆոտոխցիկ:

Այսօր մեծն բանաստեղծ Ղազարոս Աղայանի ծննդյան օրն է։

Արևելյան դպրոցի 5-6 տարեկանները բացօթյա միջավայրում ընթերցում են Աղայանական և Թումանյանական ստեղծագործությունները։

Շաբաթվա երգ՝ Զատկական երգերի փաթեթ

• «Գարնանային ֆոտոպլեներ»  Ապրիլիկ
• Աղայան+Ռոդարի ուսումնական նախագիծ

Շաբաթվա հեքիաթը՝ Ղ. Աղայան “Երկու այծ”

Читать «Աշխատանքային նախագիծ՝ 04-08․04․2022թ․» далее

Երկու կամակոր այծ դեմ առ դեմ եկան մի նեղ գերանի վրա, ուր կամուրջ էր ձգված մի
գետակի վրա:
Երկուսը միանգամից չէին կարող անցնել այդ նեղ կամուրջով. պետք է նրանցից մեկը ետ
կանգներ և մյուսին ճանապարհ տար:
— Դու ետ գնա, որ ես անց կենամ, — ասաց մեկը:
— Ինչո՞ւ դու ետ չես քաշվում, քան թե ինձ ես առաջարկում, — պատասխանեց մյուսը:
— Քեզ ասում եմ, ետ քաշվիր, առաջ ես եմ բարձրացել կամրջի վրա:
— Ներողություն կանես: Գիտե՞ս ում հետ ես խոսում, որ դեռ բարկանում էլ ես:
Այծերը ճակատ ճակատի զարկեցին, իրար գլուխ պատռեցին, և վերջը երկուսն էլ
կամուրջից սայթաքեցին, ջուրը թափվեցին:

Անհատական աշխատաժամանակ

Եվս մեկ հավես ու հետաքրքիր ստուգատես ունեցանք այս շաբաթ։Հագանք մեր դասարանական կարմիր շապիկները, վերցրեցինք ինքնագլորներն ու հեծանիվները և շտապեցինք Արևելյան դպրոցի հարակից մարզադաշտ։ Սկզբում մարզվեցինք, հետո սկսեցինք վարել ինքնագլոր և հեծանիվ։ Իսկ գարնանային արևոտ ու տաք եղանակը է՛լ ավելի ուրախ դարձրեց մեր օրը։