Միջավայրի խնամք

Արևելյան դպրոցի 5-6 տարեկանների հետ, հերթական անգամ իրականացրինք միջավայրի խնամք։ Խնամեցինք և մաքրեցինք աղբը, ինչպես նաև առանձնացրեցինք թղթե և պլաստիկե թափոնները աղբից։

Իսկ վերջում բացօթյա միջավայրում միասին համտեսեցինք համեղ թխվածքաբլիթներ։

Միջավայրի խնամք

Արևելյան դպրոցի 5 տարեկանները կրկին անցան իրենց սիրելի գործին։ Վերցրեցին անհրաժեշտ պարագաները և սկսեցին մաքրել` աշնան գունեղ և չորացած տերևները։ Շատ կարևոր է ունենալ մաքուր և հաճելի միջավայր։

Աշնան հետքերով

Այսօր Արևելյան դպրոցի 5 տարեկանները խնամում էին իրենց միջավայրը` հա՛մ խաղում էին, հա՛մ հաշվում էին աշնանային գույնզգույն տերևները, հա՛մ մաքրում էին։ Իսկական Իմացումի հրճվանք։

Միջավայրի խնամք

Արևելյան դպրոցի 5 տարեկանները այսօր կատարեցին միջավայրի խնամք։ Վերցրեցինք անհրաժեշտ պարագաները «աղբի տոպրակ, միանգամյա ձեռնոցներ» և շտապեցինք մաքրել մեր շրջակա միջավայրը։ Շրջեցինք արևելյան լանջերով։ Մեզ մոտ շատ կարևոր է միջավայրի խնամքը։

Շրջակա միջավայրի խնամք

Վայրը`

Արևելյան լանջեր, բակ, շրջակա միջավայր։

Պատասխանատուններ` Ալինա Մարզումանյան, Գոհար Հովհաննիսյան

Նպատակը `

. Երեխաներին ծանոթացնել շրջակա միջավայրի մաքրության կարեւորության մասին:

. Սովորեցնել հարգել շրջակա միջավայրը: Նրանք իրավունք ունեն առողջ շրջակա միջավայր ունենալ։

. ինտեգրվել այդ գործում:

. Երեխանները կարողանան իրենց ստացած գիտելիքները պրակտիկորեն իրագործել:

. Երեխաններին կպարտավորեցնի լավագույն կերպով պահպանել միջավայրը, որտեղ ապրում են:

Ընթացքը`

Երեխաներին հետ միասին հավաքում ենք գետնին ընկած շշերը, աղբը, ընթացքում զրուցում ենք աղբը տեսակավորելու ճիշտ տարբերակների մասին, ինչպես նաև երկիր մոլորակի սահմանափակ ռեսուրսների ճիշտ օգտագործման  մասին:

Անհրաժեշտ իրերը`

Աղբի տոպրակներ

Մեկանգամյա օգտագործման ձեռնոցներ

Խոնավ հիգիենիկ անձեռոցիկներ

Ջուր

Արդյունքների հրապարակում` բլոգում

Բույսերի խնամք

Մեզ մոտ, Արևելյան դպրոցում ունենք շատ գեղեցիկ և բազմազան բույսեր, մենք սաների հետ այսօր որոշեցինք խնամենք և ջրենք այդ բույսերը։ Վերցրեցինք մեր ջրով լի շշերը և սկսեցինք ջրել, դա շատ հաճելի և պատասխանատու գործ էր մեզ համար, մենք մեծ սիրով և եռանդով այդ ամենը կատարեցինք, հուսանք մեր սաների խնամված բույսերը ավելի արագ և գեղեցիկ կաճեն։

Միջավայրի խնամք

Այսօր՝ օրվա երկրորդ կեսին, որոշեցինք բոլորս միասին կատարել միջավայրի խնամք: Մեզ հետ վերցրեցինք հիգիենիկ ձեռնոցներ և աղբի համար նախատեսված տոպրակ: Խոսեցինք ,որ պետք է մեր միջավայրը պահենք մաքուր և չաղտոտենք: Որ պետք է աղբը չթափենք հատակին, այլ գցենք աղբամանը: Նրանք այնքան ոգևորված էին հավաքում աղբը և բլբլում, որ կարծես մեր այսօրվա զրույցը հասանելի դարձավ իրենց: Մեր նպատակն է նրանց հետ միասին մաքուր պահել մեր շրջակա միջավայրը:

Создайте свой веб-сайт на WordPress.com
Начало работы